സിപിഎം മുൻ ഏരിയ കമ്മിറ്റി അംഗം ബിജെപിയിൽ; വർക്കലയിൽ സ്ഥാനാർഥിയാകും

തിരുവനന്തപുരം∙ സിപിഎമ്മിൽ നിന്ന് രാജിവച്ച മുൻ ഏരിയ കമ്മിറ്റി അംഗം സ്മിത സുന്ദരേശൻ വർക്കലയിൽ ബിജെപി സ്ഥാനാർഥിയാകും. ഇതിനായി ബിഡിജെഎസിൽനിന്ന് ബിജെപി വർക്കല സീറ്റ് ഏറ്റെടുത്തു. വർക്കല ബ്ലോക്ക് പഞ്ചായത്ത് മുൻ പ്രസിഡന്റും നിലവിൽ ബ്ലോക്ക് അംഗവുമാണ് സ്മിത. ബ്ലോക്ക് പഞ്ചായത്ത് അംഗത്വം രാജിവച്ച ശേഷമാണ് ബിജെപി പ്രവേശനം. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ സ്വീകരിച്ചു. സിപിഎം മുൻ നേതാവ് സുന്ദരേശന്റെ മകളാണ് സ്മിത. സിപിഎമ്മിൽ വ്യക്തി താൽപര്യവും സ്വാർഥ താൽപര്യവും ആണുള്ളതെന്ന് സ്മിത മാധ്യമങ്ങളോടു പറഞ്ഞു.

English Summary:

Smitha Sundaresan, a former Area Committee member who resigned from CPM, will be the BJP candidate in Varkala. For this, BJP took over the Varkala seat from BDJS. Smitha is a former president of Varkala Block Panchayat and currently a block member.

തൽസമയ വാർത്തകൾക്ക് മൊബൈൽ ആപ് ഡൗൺലോഡ് ചെയ്യൂ

അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com